LAOAG CITY – Makipagkita ni Chinese President Xi Jinping ken ni North Korean Leader Kim Jong Un iti ibibisita na idiay North Korea iti sumaruno a lawas.
Daytoy ti kaunaan nga ibibisita ni Xi iti North Korea kalpasan ti agarop pito a tawen.
Basar iti report, adda ni President Xi idiay North Korea manipod Hunyo 8 agingga iti Hunyo 9.
Maipalagip a ti naudi nga ibibisita ni Xi iti Pyongyang ket idi 2019.
Ti ibibisita ni Xi ket mapasamak sumagmamano a lawas kalpasan a napan bimmisita da US President Donald Trump ken Russian President Vladimir Putin iti Beijing.
Maibilang ti China kas kangrunaan nga economic ken political partner ti North Korea.
