LAOAG CITY – Inrakurak ni House lead prosecutor ken Batangas Rep. Gerville “Jinky Bitrics” Luistro a mabalin nga ag-preside ni Acting Senate President Sherwin Gatchalian iti impeachment trial kontra ken ni Vice President Sara Duterte uray saan daytoy nga abugado.
Mamati ni Luistro iti kabaelan ni Gatchalian a nagaget iti trabaho kas agpanpanday linteg.
Inpettengna a kabaelan nga adalen ni Gatchalian ti impeachment rules pakairamanan ti sibubukel a proceedings isu a sigurado a maaramidna a nasayaat ken seryoso ti panagbalin a presiding officer.
Inlawlawagna a mabalin a mangdutok wenno agelektar ti Senado ti presiding officer iti babaen ti inamendaran nga impeachment rules.
