LAOAG CITY –Nangiwayat ti seminar iti lokal a gobierno iti babaen ti City Social Welfare and Development Office (CSWDO) mainaig iti Mental Health Support for Teen Mothers iti mismo a FSCAP Building ditoy siudad ti Laoag.
Inpakaammo ni Mrs. Perlita Cabello, mangidaulo iti CSWDO a daytoy nga addang ket napateg tapno maamoan dagiti teen mothers iti umiso a panagtagiben iti salun-at da.
Kunana a kangrunaan a gagem iti pannakasaluad ti mental health dagiti agtutubo nga inna ken kasta metten ti pannakapapigsa ti pakinakem da gapu ta adda ti gobierno siudad a mangtartarabay kadakuada.
Kabayatanna, kinunana nga agtultuloy ti suporta iti gobierno siudad babaen ti administrasion ni Mayor James Bryan Alcid ti pagsay-atan ken pagkasapulan dagiti teen mothers ditoy siudad.
