LAOAG CITY – Nakita ti Department of Trade and Industry a nababbaba ti presio dagiti school supplies ita a tawen maidasig iti napalabas a tawen.
Inbatad ni Department of Trade and Industry Secretary Maria Cristina Roque a maysa kadagiti makitkitada a rason ket ti panaglako ti school supplies kadagiti tiendaan.
Inlawlawagna a naruay a negosiante ti nangadmitir a bimmaba ti presio gapu ta adu ti suplay ita a tawen.
Kunana nga adda ti inpaay ti Department of Trade and Industry a price guide ngem nagtalinaed a nababbaba ti presioda ngem iti price guide.
Inpasingked ti sekretario nga agtultuloy ti isaysayangkatda a monitoring kadagiti aglaklako ti school supplies tapno masigurado a sumursurot dagitoy iti naikeddeng a price guides.
