LAOAG CITY – Silulukat ni Acting Senate President Sherwin Gatchalian iti posibilidad ti pannakisarita iti kampo ni Senate President Alan Peter Cayetano tapno pagsaritaan ti agtultuloy a riribok iti Senado.
Kunana a napateg ti agtultuloy a komunikasion iti baet kadagiti agpanpanday linteg gapu ta maymaysa iti institusion ken agkakadwa da nga agaramid iti linteg para iti pagilian.
Iti agtultuloy a panagriribok iti liderato, agtalinaed a silulukat ti posibilidad ti panagsarita iti baet ti duwa a kampo tapno malappedan ti napaut a pannakaitantan iti trabaho ti Senado.
