LAOAG CITY – Nakipaset dagiti naruay nga estudiante iti siudad ti Laoag para iti indiaya ti City Government of Laoag nga Open City Hall.
Daytoy ket kas paset iti selebrasion ti maika-61 a tawen ti Charter Day iti siudad no sadinno a nangrugi idi Hunio 1.
Inbatad ni Laoag City Mayor James Bryan Alcid a daytoy ti umuna a gundaway nga aramidenda daytoy tapno makita dagiti umili ti dakkel a nagbaliwan ti City Hall kalpasan ti pannakapapintas daytoy.
Kunana pay a daytoy ket tapnoo agbalin a pamilyar dagiti umuli para iti alisto a pagkiddawan ti serbisio iti siudad.
Innayonna a malaksid iti daytoy ket maitampok pay dagiti sumangmamano a local a produkto iti siudad no sadinno a mabalin a gundawayan dagiti umili nga agngudo inton Hunio 30.
