LAOAG CITY – Adda ti pakabuklan a 1,501 police officers a napatawan ti pannusa gapu iti panaglabsing ti law enforcement rules ken procedures manipod Enero 1 agingga iti Hunyo 3, 2026.
Basar iti Philippine National Police (PNP), manipod iti 1,501 a maipagarop nga erring police officers, 436 ditoy ti naikkat manipod iti serbisyo, 77 ti na-demote ken 692 ti nasuspenso.
Kabayatanna, adda met ti 225 a na-reprimands; 34 ti naikkatan ti pribelihiyo kas opisyal ti nailian a pulisya, 31 ti na-forfeit ti sweldo na ken innem ti naikkan iti restrictions.
Saanen a naidetalye no ania a kaso ti nakapatawan ti pannusa dagiti kameng ti nailian a pulisya.
