LAOAG CITY – Ginutigot ni Acting Senate President ken Senate President pro-tempore Win Gatchalian nga usaren ti gobierno ti ₱180 billion available funds iti babaen ti 2026 national budget para iti reconstruction ken pangtulong kadagiti biktima ti gingined iti Mindanao.
Inpetteng ni Gatchalian ti panagkasapulan iti alisto a panangusar ti nabatbati a ₱17.898 billion iti babaen ti National Disaster Risk Reduction and Management Fund (NDRRMF) a kangrunaan a funding source para iti disaster response, relief, rehabilitation, reconstruction ken recovery efforts.
Nakaipalaon ti P180 billion ti sumurok ₱32 billion iti babaen ti Local Government Support Fund (LGSF)–Financial Assistance to Local Government Units, agarup P16 billion a Contingent Fund ken sumurok ₱8 billion a Quick Response Fund ti nagduduma nga ahensia.
Karaman iti nabatbati a pundo ti para iti social services.
Kabayatanna, iyur-uray pay ti Senado ti agbalin nga assessment ti executive branch iti situasion iti Mindanao tapno maammoan no kasapulan pay ti special session tapno makaipasa ti supplemental budget para iti rehabilitasion ken reconstruction ti Mindanao.
