LAOAG CITY – Naserrek ti mapagat-atapan nga hackers ti official websites ti House of Representatives.
Napasamak ti insidente sumagmamano nga aldaw kalpasan a sinerrek met ti hackers ti website ti Senate of the Philippines.
Inaklon ti sumagmamano nga hackers ti nasao a pannakadadael ti website ti House of Representatives.
Kunada a maysa daytoy a protesta kontra iti korapsion a mapaspasamak iti gobierno.
Maipalagip nga idi Huebes ket sinerrek ti hackers ti website ti Senado no sadinno nga inrakurak ni Senate Pro Tempore Sherwin Gatchalian a daytoy ket maysa a klase ti kumarkaro a pangta iti institusion.
