LAOAG CITY –Umabot iti sumurok 5,300 nga indibidual a karaman dagiti Pilipino ti agtalinaed nakakulong kadagiti online scam centers nga asideg iti border ti Myanmar ken Thailand iti baet ti kampania kontra iti human trafficking ken online fraud iti rehion.
Segun kadagiti otoridad, nga adu kadagiti biktima ket agtalinaed a nakakulong iti umagmamano a pasilidad iti uneg dagiti lugar a kontrolado ti maysa nga armado a grupo iti Myanmar.
Karaman kadagitoy ket manipud iti China, Thailand, Malaysia, Brazil, Russia, Kenya, ken iti Pilipinas.
Segun iti United Nations dagiti scam centers iti sumagmamano a paset ti Southeast Asia, a karaman ti Myanmar ken Cambodia no sadinno a karamman dagitoy ti dakkel nga online fraud a kumitkita ti bilyun-bilyon a dolyar tunggal tawen.
Adu kadagiti agtrab-trabaho ditoy biktima ti human trafficking a naikarian iti napintas a trabaho ngem saan a nagbayag ket napilitan da nga agramid ti onine scams iti babaen ti naiget ken abusado a kondision.
