LAOAG CITY – Inleppas ni Cristiano Ronaldo dagiti kritikona kalpasan a nabigbig daytoy a first player to score in six World Cups kalpasanna a naisserek ti dua a bola para iti teamna.
Nangiparuk-at ti goal ni Ronaldo babaen ti pasa ni Joao Cancelo right-footed ti paset ti bottom right corner manipud ti ten meters a nangitunda ti umuna nga iskor para iti Portugal 1-0 lead.
Iti nabatbati pay a paset ti umuna a laban, balligi met a nakapastrek ni Nuno Mendes ti left-footed free kick a pinasarunuan met ni Cristiano Ronaldo ti sabali manen a goal rason a nagleppas ti half time ti 3-0 lead para iti Portugal.
Mainaig iti komportable a 3-0 advantage para iti Portugal, nagbalin daytoy a rason ti tuloy-tuloy a momentum para iti koponan ti Portugal.
Kabayatanna, nakaiserrek pay ni Bruno Fernandes ken ni Rafael Leao ti saggesada a goal para iti Portugal a nangitunda ti 5-0 nga iskor agingga a nagleppas ti laban.
Ti nadakamat nga laban ket nakaaramid ni Ronaldo ti dua nga iskor a rason ti pannakabigbigna kas first player to score in six World Cups.
