LAOAG CITY – Naburak ti Seattle ti Guinness World Record babaen ti panagtitipon ti 830 a tattao tapno mangan ti dim sum.
Ti Chinatown International District’s summer kickoff block party ti nag-host iti Guinness World Records attempt par iti “largest dim sum dinner”.
Maipalagip a ti dati a rekord ket 764 a tattao ti nagsasango a nangan ti dim sum no sadinno a ti nagserbi nga host ket maysa a radio station iti Sydney, Australia, idi 2019.
Patta-pattaen dagiti organizers ti Seattle attempt nga umabot iti agarop 900 a tattao ti naggigiddan a a nagan ti dim sum ngem 830 laeng ti kwalipikado iti rekord gapu ta sumagmamano kadakuada ket rimuar manipod iti tugaw da sakbay ti official headcount.
Dagus a kinumpirmaran ti Guinness World Records adjudicator a ti nasao nga aktibidad iti Seattle ket nagun-od na ti nasao a titulo.
