LAOAG CITY – Balligi a naiyuswat ti Parenting Talk ditoy siudad ti Laoag.
Segun ken ni Mrs. Janet Retamal, mangidadaulo ti City Population and Development Office ditoy siudad, babaen iti daytoy a programa ket ad-adda a maiyasideg ti relasion wenno pannakilangen-langen iti nagbaetan dagiti annak ken nagannak dagitoy.
Inbatadna a dakkel a tulong daytoy tapno ad-adda a makita ken maammoan dagiti nagannak ti pudno a sasaaden dagiti annakda.
Inlawlawagna a napateg a maiburay dagiti impormasion kadagiti annak ken nagannak maipanggep ti umno nga aramiden iti uneg ti pagtaengan.
Kunana a saan nga insigida a babalawen dagiti annak agingga a saan pay a naan-anay nga ammo ti sibubukel a napasamak gapu ta imbes a makatulong ket mabalin nga ad-adda laeng a maproblemaan dagitoy.
