LAOAG CITY – Nasarakan dagiti otoridad ti bangkay ti maysa a lalaki iti Canal Saint-Martin idiay Paris, France.
Basar kadagiti otoridad, narekobre ti bangkay nga agruprupsan a mangipasimudaag a mano nga aldawen nga adda iti danum.
Naammoan nga awan ti nakita nga aniaman a pakabigbigan ti biktima ngem mapatta-patta nga agtawen ti 25 agingga 35 ti lalaki.
Agtultuloy ti imbestigasion dagiti pannakabagi ti linteg tapno maammoan ti rason ti pannakatay ti biktima.
