LAOAG CITY – Rinugianen ti Democratic Republic of Congo (DR Congo) ti clinical trial ti dua a posible nga agas kontra iti Bundibugyo strain ti Ebola basar iti World Health Organization (WHO).
Iti agdama, awan pay ti aprobado a bakuna wenno agas kontra iti naidumduma a klase ti Ebola.
Basar iti World Health Organization, adda ti 1,406 a kumpirmado a kaso, 438 a kumpirmado ti natay ken 208 ti nagimbag manipud iti sakit iti nasao a pagilian.
Inbatad ni World Health Organization Director-General Tedros Adhanom Ghebreyesus a na-enroll ti umuna a pasiente iti panagadal.
Tingtingitingen ti trial ti monoclonal antibody MBP134 ken ti antiviral drug a remdesivir nga usarenen iti nagsina ken pinagtipon tapno maammoan no ania ti ad-adda nga epektibo.
