LAOAG CITY – Nagtalinaed ti kampo ni Vice President Sara Duterte a saanen a kasapulan ti arraignment na iti impeachment trial, kalpasan nga inlawlawag da iti senado ti kabibiangan da.
Iti umuna nga aldaw ti trial, inbatad ti kampo ti bise presidente a naurnus ken nagbalin nga organisado ti taray ti proseso.
Kontraen pay ti kampo ni Vice President Duterte ti nagbalin a lungalong nga arraignment no sadinno a mangiserrek da koma ti “guilty” wenno “not guilty” plea iti kada articles of impeachment.
Nupay kasta, basar iti Senado kas impeachment court, saanen a naituloy daytoy.
Segun ken ni Atty. Michael Poa, pannakangiwat ti defense team, nakatutuk da iti agdama iti panagsagsagana ti depensa da.
Kuna na a saan pay a nakasarsarita ti legal team ni Vice President Duterte kalpasan ti umuna nga aldaw ti impeachment trial.
Kabayatanna, saan da pay a madesisyonan no irekomendar da a personal nga agatendar ti bise presidente kadagiti sumaruno a panagdengngeg.
Saan met a direkta a sinungbatan ti lead defense counsel a ni Atty. Shiela Sison no kumpiyansa a maikalintegan da ti kaso ni Duterte, ngem inpasigurado na nga ar-aramiden da amin a kasapulan a panagsagana.
