LAOAG CITY – Inpakaammo ni Mr. Perry Martinez, General Manager ti Ilocos Norte Electric Cooperative (INEC) nga addan iti nasayaat a kasasaad ti nasao a kooperatiba.
Daytoy ket bayat pannakaselebrar ti maika-55 nga anibersario ti INEC.
Kunana a dakkel a pangnamnamaan daytoy iti masangoanan no sadinno a dakkel a tulong para iti probinsia.
Segun kenkuana, daytoy a pannakagun-od ket gapu ken ni Administrator Antonio Mariano Almeda ti National Electrification Administration.
Innayonna a mamin-adon a daras ti pannakagun-od da ti Triple A rating pakairamanan ti panagbalin ti INEC a kababaan iti residential electricity rate iti intero a Luzon pakairamanan ti agtultuloy a panagbaba ti systems loss.
Kabayatanna, nagyaman ni Martinez kadagiti amin nga adda ti likudan ti panagballigi ti INEC pakairamanan dagiti board of Directors nga idauloan ni Atty. Nick Malasig III, department heads a pakairamanan ni Assistant General Manager Atty. Athena Nicolette Nikki Pilar ken amin nga empleado ti kooperatiba ken dagiti member consumer owners.
