LAOAG CITY – Ad-adalen ti Laoag City Government babaen ti Department of Public Works and Highways ken Community Transportation no kasano ti panag-parking dagiti behikulo ti libre iti igid ti kalsada.
Segun ken ni Mayor James Bryan Alcid, daytoy ti maysa kadagiti ad-adalenda iti agdama tapno adda ti naan-anay nga espasio a pagparkingan dagiti behikulo ditoy siudad.
Inbatadna a padasenda ti ag-clearance iti Department of Public Works and Highways wenno iti national no mabalin nga aramiden daytoy.
Naammoan nga adda ti ininspeksion ti Mayor a maysa a lote a mabalin a pagparkingan dagiti behikulo ditoy siudad ti Laoag.
Maipalagip a kalikagum ti lokal a gobierno a maaddaan ti nalawlawa nga espasio a pagparkingan dagiti behikulo nga agturong iti Laoag City Public Market and Commercial Complex.
