LAOAG CITY – Kinarit ni House private prosecutor Lorna Kapunan ti defense panel a saanen a kontraen ti kidkiddawen dagiti prosecutor a subpoena para iti tax ken bank records ni Vice President Sara Duterte.
Sinublianan ni Kapunan ti kanayun a rakurak ti panel nga awan ti ebidensiya tapno suportaran dagiti alegasyon kontra iti bise presidente.
Iti maysa nga interview, kuna ni Kapunan a maulit-ulit laeng ti ibagbaga ti defense nga awan ti ebidensiya nga iggem ti House panel uray pay idi naaddaan ti serye ti panagdengngeg ti House Justice Committee.
Dinakamat pay ti beterana nga abogado ti panangibaga idi ni Vice President Duterte a sungbatan na dagiti alegasyon kontra kenkuana iti impeachment court.
Imbes nga aramiden daytoy ti defense team, pilpiliten da a lapdan ti addang ti prosekusyon nga ipresentar ti amin nga iggem da nga ebidensiya, iti mismo nga impeachment court.
