LAOAG CITY -Dinosdosena a tattao ti mapagam-amkan a natay kalpasan a naarinebneb ti nagluganan da a barko iti kabaybayan a paset ti Guyana.
Adda met ti 67 a sabsabali dagiti naisalakan dagiti otoridad idinto nga ado pay dagiti saan a mabirukan dagiti rescue workers.
Basar iti listaan, umabot iti 116 a pasahero ken 17 a crew ti nakalugan iti barko, ngem nagballaag ti prime minister ti Guyana a mabalin a saan a nalawag ti nasao a listaan.
Inrakurak ni Prime Minister Mark Phillips a manarimaanen ti naun-uneg nga imbestigasyon mainaig iti napasamak.
Mainaig iti daytoy, inpeksa met ni Guyana’s Public Works Minister Juan Edghill, ti nakaro a pungtot na no sadinno nga inakusaran na ti mangop-operar iti barko a ginandat na a switiken ti sistema.
Innayon ni Edghill a ti kapitan ti barko ken maysa a crew member ket nagpositibo para iti cannabis.
