LAOAG CITY – Saan a kasapulan ti pagilian a dumawat ti pammalubos iti China tapno mangisayangkat ti resupply missions iti Ayungin Shoal iti babaen ti “provisional understanding” ti Manila ken Beijing, basar iti Department of Foreign Affairs (DFA).
Inpaganetget ti Department of Foreign Affairs (DFA) a saan nga isuko ti katulagan ti soberania, sovereign rights ken jurisdiction ti Pilipinas iti West Philippine Sea.
Inladawan ti ahensia ti pannakaawat kas “set of principles and approaches” a kalikagum a maliklikan ti saan a panagkinnaawatan ken saan a napintas a kalkulasion iti rotation ken resupply missions nga agturong iti BRP Sierra Madre.
Saan met nga ipalubos ti arrangement ti panangiwayat wenno panaginspeksion kadagiti lugan a pangbaybay ti pagilian.
Inpetteng ti Department of Foreign Affairs (DFA) nga adda ti rotation ken resupply mission pakairamanan ti normal nga aktibidad iti BRP Sierra Madre ket regular a rumbeng ti gobierno a mangisayangkat iti uneg ti jurisdiction ti Pilipinas ken kas panagusar ti sovereign rights iti daytoy.
Inpaganetget ti Department of Foreign Affairs (DFA) a paset ti exclusive economic zone ken continental shelf ti Pilipinas ti Ayungin Shoal iti babaen ti United Nations Convention on the Law of the Sea (UNCLOS) ken ti 2016 Arbitral Award.
