LAOAG CITY – Balligi a naarestar ti maysa a lalaki iti naiwayat a drug buy-bust operation iti Barangay Capangdanan iti ili ti Pinili.
Ti lalaki ket agtawen 45, addaan iti trabaho, ken residente ti Barangay 18-B Mabusar Sur iti ili Badoc.
Basar iti Provincial Police Drug Enforcement Unit (PPDEU), naarestar daytoy kalpasan a na-aktuaran it panaglakona ti 1 heat sealed transparent sachet a maipagarup nga iligal a droga iti babaen ti nagpammarang a police poseur-buyer.
Nakumpiskar manipud iti suspek ti 1 a genuine Php500.00 bill, 11 a peke a Php500.00, 4 a heat-sealed transparent plastic sachets a maipagarup nga illegal a droga, 1 a self-sealing transparent plastic bag ti maipagarup a marijuana, 1 nga ammunition ti caliber .22, ken nagduduma pay a drug paraphernalia.
Maipagarup nga agdagsen ti sumurok kumurang a 1.5 a gramo ti nakumpiskar nga illegal a droga nga addaan ti Standard Drug Price a Php10,200.00 para iti mapatta-patta a shabu ken 3 a gramo met nga addaan ti Standard Drug Price a Php360.00 iti maatap a marijuana.
Iti agdama, manarimaan ti pannakaisagsagan dagiti dokumento a masapul para iti pannakaipila ti kaso a panaglabsing ti RA 9165 wenno Comprehensive Dangerous Drugs Act of 2002 ken RA 10591 wenno ti Comprehensive Firearms and Ammunition Regulation Act.
