LAOAG CITY – Bimmaba ti sulfur dioxide (SO₂) emissions ken seismic activity ti bulkan Taal iti Batangas.
Iti naudi a pannaka-monitor iti nasao a bulkan, 300 metric tons ti sulfur dioxide ti nairekord manipud iti main crater-na, nababbaba kumparar iti 518 metric tons a nairekord manipud idi Hulio 27 agingga 30 nga immabot iti 600 metro ti kinangato ti volcanic plume-na.
Malaksid iti daytoy, bimmaba pay ti bilang ti volcanic earthquakes-na manipud 32 agingga 24 iti uneg ti 24 oras.
Iti baet iti panagbaba ti aktibidad ti Bulkan Taal, agtaltalinaed daytoy iti Alert Level 1 no sadinno ket nababa ti tsansana nga agalboroto.
Kabayatanna, binallaagan ti Philippine Institute of Volcanology and Seismology ti publiko a ti Alert Level 1 ket maibilang kas abnormal condition ken saan daytoy a mabalin a tagibassiten.
