LAOAG CITY – Inpetteng ti House prosecution panel nga amin nga Articles of Impeachment kontra ken ni Vice President Sara Duterte ket napigsa ken suportado dagiti natibker nga ebidensia.
Rakurak daytoy ni House Prosecution Legal Spokesperson ken Private Prosecutor Atty. Benjamin Tolosa Jr. kalpasan a rimmuar ti survey ti OCTA nga uppat iti kada 10 a Pilipino wenno 43 a porsiento ti respondents ti mamati a “bribery” wenno ti Article III ti nadagdagsen nga alegasion kontra ken ni Vice President Duterte ken maikadua ti alegasion a saan nga umno a panagusar ti confidential funds.
Mamati ni Tolosa nga agbalbaliw ti opinyon ti publiko iti kanito a maipresentar iti impeachment trial dagiti ebidensia maipanggep iti uppat nga articles of impeachment.
Maawatan met ni House Trial Spokesperson ken Kabataan Party-list Rep. Renee Louise Co no apay nga ad-adda nga interesado dagiti Pilipino iti bribery ken confidential funds articles gapu ta maipanggep daytoy iti kuarta ti komunidad.
