LAOAG CITY – Umanamong ti sumagmamano a miembro ti House impeachment prosecution team a repasoen ti manarimaan a 16-vote threshold a requirement tapno ma-convict ni Vice President Sara Duterte iti impeachment trial-na.
Segun ken ni prosecution team spokesperson Ace Barbers a suportaranna ti panawagan a panagadal wenno panangtingiting manen ti threashold gapu ta adda sumagmamano a senator-judges ti saan a nakaatender iti panangusig. Kabayatan a kinumpirmaranna a suportaran met ti sumagmamano a miembro ti prosekusion ti panagrepaso ti nadakamat a requirement.
Inpaganetgetna a masapul a personal nga imatangan dagiti senator-judges dagiti testimonia ken ebidensia a maidasdasar iti impeachment court tapno makabukel ti patas ken objective a desision.
Mainaig iti daytoy, immunan nga inrakurak ni Senate Majority Leader Juan Miguel Zubiri nga adda sumagmamano a senador ti kalikagumna a tingitingen manen ti 16-vote requirement gapu ta adda dagiti miembro ti Senado a saan a nakaatendar iti trial.
Maipalagip nga idi Hulio 6, nagdesision ni impeachment court presiding officer Senador Francis ‘Chiz’ Escudero a kasapulan ti 16 affirmative votes tapno ma-convict ti Bise Presidente.
Basar daytoy iti Article XI, Section 3(6) ti 1987 Constitution a mangibagbaga nga awan mabalin a ma-convict iti impeachment nga awan umanamong ti two-thirds ti amin a miembro ti Senado. Iti 24 a miembro ti Senado, katukad daytoy ti 16 a botos.
Nupay kasta, inbatad ni Barbers a mabalin a ti Supreme Court ti decision no maaddaan ti constitutional dispute mainaig iti interpretasion ti voting requirement.
Iti agdama, 16 a botos latta ti threshold ken awan pay baro a ruling ti impeachment court a mangipababa iti daytoy.
