LAOAG CITY – Insingasing ni Presidente Ferdinand Marcos Jr. iti Kongreso ti temporario nga panangsuspensar iti pannakaipatungpal ti Real Property Valuation and Assessment Reform Act wenno Republic Act No. 12001 iti maysa a taripnong ti Legislative-Executive Development Advisory Council (LEDAC) iti Malacañang.
Daytoy ket tapno maliklikan ti kanayonan a gastos kadagiti negosio, mangallukoy ti pagpuonan, ken masigurado ti naurnos a panagakar iti baro a property valuation system.
Basar ken ni Palace Press Officer Claire Castro a gagem ti naisingasing a linteg a mangipaay ti umdas a panawen ti pannakaipatungpal ti baro a valuation system.
Iti taripnong ti Legislative-Executive Development Advisory Council (LEDAC), tinalantanda ti 24 a priority measures a target-da a maipasa sakbay malpas ti Hunio 2027.
