LAOAG CITY – Kinarit ni House prosecution adviser ken spokesperson Robert Ace Barbers ti uppat a bimmaliktad a Maleta Boys nga inaganan ti mastermind iti sinapataanda a salaysay a kunana nga scripted ken ar-aramid laeng.
Kiniddaw daytoy ni Barbers iti uppat a Maleta Boys kalpasan nga inbabawida dagiti rakurakda mainaig iti panagi-deliver kadagiti maleta a napno ti kuarta kadagiti sumagmamano nga opisial ti gobierno, dagiti agpanpanday linteg ken dadduma pay a personalidad.
Inbutaktak ti uppat a maleta boys a saan nga isuda ti nagaramid ti affidavit-da idi ken adda ti nangidiaya kadakuada ti kurata tapno agitudo laeng.
Kiniddaw ni Barbers iti uppat a maleta boys, agbalin a naturtured pay ken mangiparuk-at kadagiti ebidensia tapno idatag ti kinapudno ken nadalus ti nagan dagiti personalidad nga inraman iti saan a pudno nga alegasion kas kada Presidente Ferdinand Marcos Jr. ken dati nga House Speaker Martin Romualdez.
Inpetteng ni Barbers a nasken a mapagsungbat ken makasoan dagiti nangmandar kadagiti rakurak ti 18 a Maleta Boys a nagpabigbig a dati dagitoy a Marines ken bodyguard ni dati a Congressman Zaldy Co.
