LAOAG CITY – Naarestar ti maysa a babai iti barangay Pasaleng iti ili ti Pagudpud gapu iti kasona nga Estafa.
Segun iti Philippine National Police iti ili ti Pagudpud a balligi ti panangarestarda iti suspek babaen ti panagbinnulig ti Philippine National Police (PNP) ken ti Criminal Investigation and Detection Group (CIDG) Ilocos Norte.
Basar kadagiti otoridad, ti suspek ket maysa a babai, agtawen ti 43, awanan asawa ken agdama nga agnanaed iti barangay Pasaleng iti ili ti Pagudpud.
Ti pannakaarestar iti suspek ket gapu iti naiserbi nga arrest warrant kontra kenkuana babaen kadagiti otoridad.
Inbatad ti Ilocos Norte Police Provincial Office a ti nasao a warrant of arrest ken inparuk-at ni Hon. Melanie Faith Dili, Presiding Judge ti Regional trial Court 3rd Judicial Region branch 97 idiay Olonggapo City, Zambales gapu pay laeng iti kaso nga Estafa babaen ti panagaramat ti suspek ti palso a public documents no sadinno ket ti nasao nga indibidual ket narekomendaran ti umabot iti P4,000 a gatad a piansa para iti temporario a pannakawaya-wayana.
Innayon pay dagiti oridad nga apaman a naiserbi iti suspek ti arrest warrant ket boluntario a simmurot ti subject ken ditoyen a naikabil iti Criminal Investigation and Detection Group (CIDG) Ilocos Norte para iti naananay a dokumentasion sakbay a maisubli daytoy iti korte a naggapuanan ti warrant of arrest.
