LAOAG CITY – Naarestar ti maysa nga indibidual a maibilang kas high value individual iti naiwayat a drug buy-bust operation iti ili ti Paoay.
Ti suspek ket agtawen ti 47, awanan asawa ken residente iti ili Paoay.
Nakumpiskar manipod iti suspek ti tallo nga heat-sealed transparent plastic sachet nga agdagsen ti maysa a gramo ti maipagarop a shabu a mapatta-patta nga agbalor ti P6,800.
Malaksid iti daytoy, nakumpiskar pay manipud iti suspek ti maysa a genuine P1,000 bill a nausar kas buy-bust money, lima a bala ti 9mm a paltog, maysa a big open transparent plastic sachet, uppat nga small open transparent plastic sachet, maysa a black leather wallet nga addaan ti Driver’s License ken Postal Identity Card, maysa a pouch nga agmaris ti nangisit nga addaan ti red embrowed lining, maysa a blue lighter, ken P165.00 a personal a kwarta na.
Iti agdama, ti suspek ket nagtalinaed iti Philippine National Police iti ili ti Paoay.
