LAOAG CITY – Inpilaan ti reklamo ti Bureau of Internal Revenue (BIR) mainaig iti tax evasion nga aggatad ti P2.228 billion kontra iti Hongsheng Gaming Technology, Inc. iti Department of Justice (DOJ).
Basar iti opisina, ti nadakamat a kompania ket agmanmanehar ti offshore gaming activities iti pagilian ket sumangsango kadagiti reklamo ti underdeclaration ti revenue, saan nga umno a panangideklerar ti value-added tax (VAT) ken saan a nag-withhold wenno nag-remit ti final withholding tax para kadagiti foreign workers-na iti taxable years 2021 agingga 2023.
Basar iti imbestigasion ken dagiti record manipud iti nagduduma nga ahensia ti gobierno nga adda dakkel a pagdumaan kadagiti indeklerar a revenue ti Hongsheng kumparar kadagiti opisial a nairekord no sadinno umabot iti pakabuklan a P2,227,759,311.21 ti deficiency tax liability-na daytoy.
Inpaganetget ni Bureau of Internal Revenue Commissioner Charlito Martin R. Mendoza nga agtultuloy ti panangprotehir-da dagiti napudno nga agbaybayad ti tax kontra iti direkta a tax evasion
Innayonnapay nga awan rumbeng a negosio nga agganansia iti Pilipinas kabayatan ti panangliklik iti obiligasion a naglaon ti linteg.
Kabayatanna, ti pannakaipila ti kaso ket paset ti Run After Tax Evaders (RATE) Program ti Bureau of Internal Revenue tapno paigetan ti pannakaipatungpal ti linteg kontra kadagiti aramid nga mangpabpababa iti ganansia ti gobierno.
