LAOAG CITY – Inraman ni dati nga House Speaker Martin Romualdez ti recantation iti maipagarup a bagman-na a ni Orly Gutez no sadinno inbabawina ti alegasionna kontra iti agpampanday linteg a nangitulod daytoy ti kickback.
Mainaig iti daytoy, kinumpirmaran ni Atty. Felix Villa, maysa kadagiti abogado ni Romualdez ti panangipila ti nadakamat nga affidavit ita nga Huebes, Agosto 20.
Immunan nga inbatad ti maysa pay nga abogado ni Romualdez a ni Atty. Ade Fajardo nga inramanda iti supplemental counter-affidavit ti sapata a salaysay ti 25 a dati a drivers ken security aides ti dati a kongresista a ni Elizaldy Co.
Nagtalinaed met ni Romualdez nga awan ti aniaman nga inaramidna a panaglabsing iti linteg ken nakasagana a paneknekanna daytoy kalpasan ti anunsio ti kasinsinna a ni Presidente Ferdinand Marcos Jr. iti maikalima nga State of the Nation Address-na (SONA) a naikeddeng a pilaan ti kaso ti kongresista.
Maipalagip nga inbutaktak idi ni Guteza iti panagdengngeg iti Senate Blue Ribbon Committee idi Setiembre 2025 a nangitulod daytoy ti minaleta a kuarta iti balay ni Romualdez idiay Taguig. Idinto nga inbabawina ti alegasionna ken inbatadna nga prinessure daytoy da dati a Cong. Mike Defensor ken Senador Rodante Marcoleta nga aramiden daytoy.
Nupay kasta, basar iti Office of the Ombudsman nga ituloyda ti imbestigasion ken ni Romualdes kabayatan ni panangbabawi dagiti testimonia.
