LAOAG CITY – Umabot iti nasurok a maysa a milyon a metriko tonelada nga imported meat ti nagatang ti pagilian manipod Enero agingga iti Hulyo ita a tawen.
Iti datos ti Bureau of Animal Industry (BAI), ngimmato ti meat imports iti 1.02 million a metriko tonelada iti uneg ti pito a bolan ita a tawen, 11 a porsiento a nangatngato ngem ti nairekord iti kapada a panawen idi 2025.
Mainaig iti daytoy, pinaigetan ti gobierno ti pork importation policy tapno ma-stabilize ti local supply ken presyo babaen ti Executive Order 116, a nangipangato ti minimum access volume para iti imported pork iti 204,210 a metriko tonelada manipod iti 54,210 a metriko tonelada.
Ti kangrunaan a pagilian a paggapgapwan dagiti nasao a produkto ket Brazil, sumaruno iti Estados Unidos ken iti Australia.
