LAOAG CITY – Umabot iti sumurok-kumurang 35.6 a tonelada dagiti nabaybay-an ken nakumpiskar a kargamento ti dimmalan iti condemnation ken umno a disposal ti Bureau of Customs (BOC) – Ninoy Aquino International Airport (NAIA).
Segun iti Bureau of Customs (BOC) – Ninoy Aquino International Airport (NAIA), umabot iti 340 Air Waybills (AWBs) ti pakabukelan ti naiwayat a disposal, nga aggatad ti ₱1.45 million.
Mainaig iti daytoy, dagiti kargamento ket pakairamanan dagiti vape products, perdi a ramit, makan, pharmaceutical products, cosmetics ken dadduma pay a general merchandise nga naggapu iti nagduduma a pagilian.
Gapu iti daytoy, dimmalan dagiti nakumpiskar a produkto iti condemnation gapu iti panaglabsing kadagiti paglintegan ken regulasion iti customs, pakairamanan ti Republic Act No. 11900 ken ti Republic Act No. 10863, wenno ti Customs Modernization and Tariff Act (CMTA).
Inpetteng ni Bureau of Customs (BOC) – Ninoy Aquino International Airport (NAIA) District Collector Atty. Maria Yasmin M. Obillos-Mapa a paset iti responsibilidad ti Port of NAIA a siguraduen dagiti umno a proseso ken ti manarimaan a paglintegan ti disposal ken kadagiti nabaybay-an ken nakumpiskar a produkto.
Kabayatanna, inpanagetget ni Bureau of Customs Commissioner Ariel F. Nepomuceno ti importasia ti pannakaipatibker ti transparency ken accountability kadagiti opersion ti ahensia, aglalo kadagiti proseso ti disposal ken kadagiti kargamento nga agturturong iti gobierno.
Gapu iti daytoy, impasigurado ti Bureau of Customs (BOC), ti agtultuloy a panangilungalongda ti maysa a legal, transparent ken responsable a customs operation kas paset ti maysa a baro ken managsungbat a panangidaulo ti Bureau of Customs.
