LAOAG CITY – Ginutigot ni Senator JV Ejercito ni Bureau of Customs (BOC) Commissioner Ariel Nepomuceno ti pannakadalos ti ahensia, particular ti intelligence arm daytoy, kenikkaten dagiti personnel a maipagarup a karaman iti korapsion ken panangabuso.
Daytoy ket kageddan ti kontrobersia iti panangiggem ti Bureau of Customs (BOC) kadagiti smuggled cigarettes a nakumpiskar iti Bulacan.
Kuna ni Ejercito a mabalin a gundawayan daytoy dagiti miembro ti maysa a lider a maipagarup a saan a naiget ti panangipatungpalna ti disiplina.
Nangrugi ti kontrobersia kalpasan a rinaot ti Philippine National Police-Highway Patrol Group (PNP-HPG) ti maysa a warehouse iti Bulacan idi napalabas a bulan no sadinno a nakumpiskar ditoy dagiti smuggled cigarettes.
Ad-adda a bimmara ti isyu kalpasan ti maipagarup a pannakatiliw dagiti dua a personnel ti Bureau of Customs (BOC) a naggandat nga ilako dagiti sigarilyo a dadaelen ti ahensia.
Naglikudan met ni Nepomuceno nga ammona dagiti dua a nagan ti personnel uray no addan ti immune a memorandum ti Bureau of Customs (BOC) a nangbigbig kadagitoy nga empleyado a nangisagana ti incident report mainaig ti raid iti Bulacan.
