LAOAG CITY – Agtultuloy ti panagsarak ti uppat nga indibidual kalpasan a natnag ti nagluganan nga SUV iti narpuog a rangtay iti Agana River kabayatan ti napigsa a tudo idi Sabado ti rabii, Agosto 29.
Mainaig iti daytoy, maysa nga indibidual ti nasalaknib dagiti otoridad nga insigida nga intaray iti Tarlac Provincial Hospital para iti medical assessment.
Naamoan a dagiti uppat a mapukpukaw ket agtawen ti 26, 36 ken dua nga agtawen ti 35.
Maipalagip a narpuog ti maysa a rangtay iti alas-8:32 ti rabii idi Sabado, Agosto 29 idi panawen ti napigsa ken napaut a tudo gapu ti habagat.
Basar iti Philippine Air Force, agtultuloy ti search and rescue operations ti Tactical Operations Wing Nothern Luzon ken Tactical Operations Group iti panagsarak ti uppat a mapukpukaw.
Kabinnuligda ti grupo ti Provincial Disaster Risk Reduction and Management Office, 3rd Mechanized Infantry Battalion 522nd Engineer Construction Battalion ken ti 7th-Military Operations Battalion.
