LAOAG CITY – Naaprubaranen iti House of Appropriations panel ti nailungalong a P10,155,758.00 billion budget ti Office of the President para iti fiscal year 2027 iti uneg laeng ti 15 a minuto, kalpasan a naipaayan ti parliamentary courtesy iti baet ti panagkedked ti sumagmamano a minority lawmakers.
Ni Executive Secretary Ralph Recto ti simmango iti appropriations panel tapno depensaan ti nasurok a P10 billion a budget ti Office of the President.
Dakkel ti budget ti Office of the President para iti 2026 gapu iti panag-host ti Pilipinas iti ASEAN (Association of Southeast Asian Nations).
Mamati ni Recto nga umdas ti nasao a pondo tapno maipaay dagiti pagkasapulan iti matugunan iti panawen nga aggigiddan dagiti karit iti uneg ken ruwar ti pagilian, karaman dagiti tension a geopolitical ken riribok iti Middle East, dagit bagyo, El Niño, ken dadduma pay a kalamidad.
Kalpasan ti nagbalin a presentasyon ni Executive Secretary Recto, nagpila ti mosyon ni Minority Leader Marcelino Libanan nga ipaayan ti parliamentary courtesy ti Office of the President no sadinno nga ileppasen ti interpellations a sinegundaan met ni Senior deputy Rep. Ferdinand Hernandez.
