LAOAG CITY – Kinontra ti Partido Demokratiko Pilipino (PDP-LABAN) ti pannakaipaulog ti warrant of arrest kontra ken ni Bise Presidente Sara Duterte, a kunana a daytoy ti “latest assault on the legitimate political Opposition” ti administrasion ni Marcos.
Kinuna ti PDP-Laban a ti arrest warrant ket impaulog ti maysa a judge ti Regional Trial Court itay nabiit a dinutokan ni Presidente Ferdinand “Bongbong” Marcos Jr.
Nangipaulog iti arrest warrant ti Quezon City (QC) Regional Trial Court Branch 98 kontra ken ni Duterte gapu iti kasona a grave threats.
Iti pammilin daytoy, kinuna ti korte a nakasarakda iti probable cause to hold ni Duterte para iti pannakausig.
Mainiag iti daytoy, iti babaen ni QC RTC Branch 98 Presiding Judge Maria Angelica P. De Ramos ti nasao a kaso ket addaan ti piyansa a P120,000 ti tunggal maysa para iti tallo a bilang ti grave threats mainaig iti Section 6 ti Republic Act No.
Kinuna ti abogado ni Duterte a sanguen ti bise presidente ti kaso a head on.
Inbatad ni Interior Secretary Jonvic Remullaa, a naawat dagiti abogado ni Duterte ti arrest warrant kontra kenkuana ken plano dagitoy a bayadan ti piyansa iti kabiitan a panawen.
Simmangpet met ita nga aldaw, Setiembre 5 dagiti abogado ni Duterte iti Quezon City Hall of Justice, maysa nga aldaw kalpasan a naipaulog ti warrant of arrest.
