LAOAG CITY – Kinondenar ni dati a Senador Antonio “Sonny” Trillanes IV ti panagtignay ken panagsungbat ni Vice President Sara Duterte iti baet ti panagpiansana iti Quezon City Regional Trial Court.
Iti maysa a rakurakna iti publiko, kwinestionaran ni Trillanes dagiti kabaelan ken kwalipikasion ti Bise Presidente a mangidaulo ditoy pagilian kas maika-dua a kangatoan a lider ti Republika.
Inpetteng ti dati nga agpanpanday linteg a saan a nainkalintegan ti impakita ti Bise Presidente iti sangoanan ti korte bayat a dumaldalan iti pormal a legal a proseso para iti sangsangoenna a kaso.
Gapu iti daytoy, pormal a nagpanawagan ni Trillanes kadagiti Pilipino a panunuten a nalaing dagiti lider a pilpilienda a mangidaulo ditoy pagilian.
Ti nasao a rakurak ni Trillanes ket kalpasan ti pormal a panangipila ti piansa ni Duterte para iti tallo a bilang a kaso a grave threats kalpasan ti pannakaiparuk-at ti arrest warrant kontra iti bise.
