LAOAG CITY – Ad-adda a pinaigetan dagiti otoridad nga agbanbantay ti seguridad para iti dandani a parliamentary election iti Bangsamoro Autonomous Region in Muslim Mindanao (BARMM).
Basar ken ni Philippine National Police (PNP) Public Information Office chief Police Colonel Allen Rae Co nga addan iti full alert satus iti Bangsamoro Region manipud idi kalman ti aldaw, Setiembre 11.
Agpaut ti nadakamat a full alert agingga Setiembre 30.
Iti babaen ti full alert status, 100 a porsiento dagiti kapolisan a maikari dagitoy nga adda iti lugar nga assignment-da.
Mainaig iti daytoy, umaboten iti 10,439 dagiti kapulisan ti nadutokan iti nadakamay a rehion.
Agtultuloy ti pannakasayangkatda ti panagbantay ken panagburok ti impormasion iti aniaman a grupo a kalikagomna ti mangitunda ti gulo iti eleksion.
Iti agdama, addaan ti 27 a lugar ti adda iti red category pakairamanan ti 21 iti Lanao del Sur, tallo iti Maguindanao del Sur ken maysa kadagiti lugar ti Maguindanao del Norte, Basilan ken kadagiti Special Geographic Area.
