LAOAG CITY – Inbatad ni Atty. Howard Calleja, mabalin a bumaba iti 13 a bilang ti butos a kasapulan tapno ma-convict ni Vice Presidente Sara Duterte iti impeachment case no 20 laeng a senador ti legal a makipaset a senator-judeges iti oras ti panagbubutos.
Kunana a mabalin nga agbaliw ti pagibasaran a two-thirds depende iti bilang dagiti senador a legal ken aktual a makipaset kas miembro ti impeachment court.
Impanagetgetna a no 20 laeng ti makipaset, 13 a butos ti kasapulan tapno ma-convict daytoy.
Iti agdama, 16 a butos ti kasapulan ti House prosecution panel tapno ma-convict ti bise presidente, kas panangsurot iti umuna a ruling ti presiding office ti impeachment court.
