LAOAG CITY – Nangirapuk-at ti opisial a rakurak ti Philippine Red Cross (PRC) mainaig dagiti agwarwaras a saan a beripikaso a post dagiti maipagarup nga unautorized access ken data breach iti server-da.
Inbatad ti Philippine Red Cross a manarimaan ti pannakaisayangkat ti internal ken external investigation tapno tingitingen ti insidente kabayatan a nangipatungpal dagiti precautionary measure tapno maprotehiran ti seguridad dagiti system-da.
Binalakadaan ti organisasion ti publiko a ti saan nga otorisado a panag-access, panagtakaw ken illegal a panaglako ti confidential data ket maysa a seryoso a krimen a panaglabsing kadagiti linteg iti pagilian kas ti Data Privacy Act of 2012.
Inpasigurado ti Philippine Red Cross nga insigida a direkta a panang-contact ken abisoenda dagiti maapektaran nga indibidual wenno entity no nakumpirmaran nga adda na-compromised nga impormasion iti nadakamat nga alyado a panagatake.
Pakdaar pay ti oprganisasion, saan da agduadua a patawan ti kadagsenan a pannusa ti linteg ti siasinnoman a mapaneknekan nga agsungbat iti insidente.
