LAOAG CITY – Nagtalinaed ti takder ti Commission on Elections wenno Comelec nga agtultuloy latta ti 2026 Barangay at Sangguniang Kabataan Elections (BSKE) inton Nobiembre 2.
Segun ken ni Commission on Elections chairman George Garcia nga agingga awan pay linteg a mangibaga nga itantan ti eleksion, saanda nga agsardeng iti panagsagana iti eleksion.
Nupay kasta, agtultuloy ti panagsaganada aglalo ti panangibunong dagiti election materials kadagiti naadayu a lugar.
Iti agdama, agkasapulanda ti ad-adda a nalawag a desision agingga Setiembre 28 tapno marugyanan ti panangibunong dagiti election materials.
Kabayatanna, naipaima daytoyen kadagiti agpampanday linteg ti no agtuloy wenno itantan ti Barangay at Sangguniang Kabataan Eleksion.
