LAOAG CITY – Ti gagangay nga ar-aramiden ti maysa nga aso iti balay ket ti agbantay, agtaol ken butngen dagiti saanna am-ammo nga indibidual nga aglabas ken mapan iti maysa a pagtaengan.
Ngem imbes a dagitoy ti ubraen ti maysa a golden retriever iti San Diego, California nga agnagan ti Nash, inayabanna pay ti maysa nga akyat-bahay wenno agtatakaw a makiay-ayam kadaytoy.
Nakita iti maysa a security camera ti tignay ni Nash ken nangala pay daytoy ti stuffed toy ngem saan a nakiay-ayam ti lalaki.
Basar iti Agence France-Presse, awan iti balay ti furdad ni Nash a ni Dante Rowley ken iti fiancé-na idi napasamak ti insidente.
Segun ken Rowley a nakaturog ti agtatakaw ken nangala laeng ti taraon iti refrigerator.
Kabayatanna, tinawaganna dagiti pulis ken idi nakasangpet dagiti pulis, kalikagum manen ni Nash a makiay-ayam kabayatan nga kagatna ti stuffed toy-na.
Nupay kasta, natiliw ti agtatakaw iti ruar ti balay.
