LAOAG CITY – Nangipatungpal ti Russia ti kadakkelan a panagatake iti energy infrastructure ti Ukraine a ti kangrunaan a target na ket ti Kyiv ken dagiti kaabay na rehiyon.
Daytoy ti inwaragawag ni Ukrainian Prime Minister Volodymyr Zelensky.
Umabot iti lima a tattao ti natay, pakairamanan ti maysa nga ubing iti nagpatnag a panagatake ti Russia iti Ukraine.
Nangitunda pay ti panagpukaw ti suplay ti kuryente iti kadakkelan a paset ti Ukraine ti nasao a pasamak.
Mainaig iti daytoy, inbatad ti Russian defence ministry a ti maysa kadagiti puntirya ti panagraot ket ti Trypilska power station, ti kadakkelan a supplier ti elektrisidad iti Kyiv.
