LAOAG CITY – In-deploy ti Philippine Coast Guard wenno PCG ti BRP Teresa Magbanua ken PCG Islander 251 tapno lappedan ti Chinese research vessel a Jia Hai Ke 7 a nasaripatpatan iti kaadayo a 37 nautical miles ti amianan a daya ti Itbayat, Batanes manipud pay laeng iti Setiembre 28.
Basar iti Philippine Coast Guard, nalappedanda ti maipagarup a saan nga otorisado a marine scientific research ti Chinese vessel iti lugar.
Pinalikawkawan ti BRP Teresa Magbanua, usar ti maysa nga inflatable boat, ti Jia Hai Ke 7 tapno lappedan ti panaggaraw iti kabaybayan.
