LAOAG CITY – Manamnama ti pannakaiparuk-at ti pinal a desision ti Senate Impeachment Court iti impeachment case ni Vice President Sara Duterte iti katengngaan agingga iti agtapos ti bulan ti Nobiembre, segun ken ni Senate President Sherwin Gatchalian.
Iti maysa nga interbyu, inbatad ni Gatchalian a targetda a leppasen ti panagusig ken ti pannakaiparuk-at ti pinal a desision sakbay nga agleppas ti bulan ti Nobiembre.
Segun ken ni Gatchalian, manamnama nga agleppas ita a lawas wenno inton sumaruno a lawas ti presentasion ti prosekusion iti Article 2 wenno ti alegasion mainaig iti saan a mailawlawag a kinabaknang ni VP Sara ken ti Article 4 wenno ti bribery case sakbay nga umakar iti depensa iti presentasion.
Mainaig iti daytoy, namnamaen ti Senate President ti alisto a panagusig iti paset ti depensa gapu iti kasanayanda iti nasao a proseso.
Immunan iti daytoy, kinuna ni Gatchalian a kalikagumna ti panagleppas ti impeachment proceedings sakbay a madanonan ti paskua.
