LAOAG CITY – Nangiwayat ti joint search and rescue exercise (SAREX) ti Philippine Coast Guard (PCG) ken ti United States Coast Guard (USCG) iti kabaybayan a paset ti North Palawan kas paset ti tarigagayda a papigsaen ti kooperasion ken kinasagana dagiti operasion iti kabaybayan.
Nakipaset iti panagsanay ti BRP Suluan (MRRV-4406) ti Philippine Coast Guard ken ti United States Coast Guard Cutter ti United States Coast Guard.
Nagsentro ti nasao a panagsanay iti pannakapapigsa ti koordinasion iti search and rescue operations ken iti komunikasion.
Kabayatanna, iti babaen ti nasao a panagsanay, manamnama a pumigsa ti koordinasion ti Philippine Coast Guard (PCG) ken ti United States Coast Guard (USCG), a kasapulan iti maiwayat a nagduduma nga operasion tapno mapagtalinaed ti kinatalged iti kabaybayan.
