LAOAG CITY – Kinondenar ni Senador Raffy Tulfo ti agtultuloy a panagwaras dagiti peke nga identification card para kadagiti Persons with Disabilities a maipagarup nga us-usaren dagiti indibidual nga awan met ti rangkap ti bagi da tapno makagun-od ti 20 a porsiento a diskwento ken dadduma pay a benepisio a nairanta para kadagiti tattao nga adda ti rangkap na.
Inaramid daytoy ni Tulfo iti panagdengngeg ti Senate Committee on Finance mainaig ti gakat a 2027 budget ti Department of Social Welfare and Development (DSWD) ken dagiti attached agency-na.
Inpagetget ti senador a kasapulan a masolbar ti panagabuso iti sistema ti Persons with Disability identification card (PWD) tapno masigurado a dagiti diskuento ken benepisio ket mapan kadagiti lehitimo a benipisiario.
Ti agtultuloy a panagusar iti peke nga identification card (ID) ket mangitunda ti panagdudua iti panangipatungpal kadagiti nabukel a benepisio tapno makatulong kadagiti gastos ken inaldaw a pagkasapulan dagiti indibidual nga adda rangkap ti bagina.
