Pinapigsa ti seguridad iti Central Visayas iti babaen ti panangdutok ti agarup 4,000 a personnel manipud iti nagduduma nga ahensia ti gobierno para iti 20th ASEAN Defense Ministers’ Meeting (ADMM) 2026.
Segun ken ni Police Lieutenant Colonel Rolan Aliser, pannakangiwat ti Police Regional Office – 7 (PRO-7), mangrugi ti opisial a deployment ita nga aldaw ti Lunes, Oktubre 26 ken agtultuloy daytoy agingga Nobiembre 1 tapno sakupen dagiti operasion kalpasan ti summit.
Pakairamanan kadagiti nadutokan a puersa ket ti 2,312 a pulis manipud Police Regional Office – 7 (PRO-7), 478 manipud iti Bureau of Fire Protection (BFP), 341 manipud iti Philippine Navy, 214 manipud iti Philippine Army ken 60 manipud iti Philippine Coast Guard (PCG), karaman pay ti Bureau of Jail Management and Penology (BJMP), Department of Health ken Office of Civil Defense.
Mainaig iti daytoy, temporario a sinuspenso dagiti leave dagiti pulis ken inkabil iti intero a linia iti heightened alert status.
Kabayatanna, mangiwaras dagiti otoridad kadagiti kangrunaan a ruta a pagdalyasatan dagiti delegado, dagiti hotel a pagtalinaedanda, ken kadagiti lugar a pakaisayangkatan ti aktibidad kalpasan ti send-off ceremony iti Mactan Shrine iti Lapu-Lapu City idi Oktubre 23.
