LAOAG CITY – Nakasagana a mangiparuk-at ti baro a testimonia ni Transportation Secretary Vince Dizon kadagiti sumaruno a panagusig mainaig iti flood control scandal, pakairamanan dagiti kaso a sangsangoen ni dati nga Ako Bicol Party-list Representative Zaldy Co.
Segun ken ni Dizon, ipaayna dagiti aniaman a kasapulan nag impormasion ti Office of the Ombudsman tapno maituloy dagiti kaso a naipila kontra kadagiti personalidad nga adda pakainaiganna iti maipagarup nga anomalia kadagiti flood control projects.
Maipalagip a naudi a timmestigo ni Dizon idi Setiembre 23 iti graft case ni Co mainaig iti maigarup nga anomalia iti maysa a proyekto nga aggatad ti P289.4 million iti Naujan, Oriental Mindoro.
